Vir die Bieliemiefees wat in 2020 vir die 40ste keer aangebied word, is alles ingesit om dit selfs beter en lekkerder as enige ander fees te maak!

Daar is geen ouderdomsperk op pret nie, so, as jy al oud of nog jonk genoeg is vir pret, is Reitz die plek vir jou van 13 tot 16 Febuarie 2020, want dit gaan ’n bielie van ’n fees wees.

Kaartjies

Beskikbaar by jou naaste VKB-tak of by die hek

  Volwassenes Kinders (Onder 13)
Early Bird (voor 15 Desember 2019 slegs by VKB-takke beskikbaar) R225 R108
Studente naweekkaartjie (slegs by hekke beskikbaar, moet studentekaart wys) R200  
 Naweekkaartjie R250.00 R120.00
     
Donderdag, 13 Februarie R70.00 R70.00
Vrydag, 14 Februarie R130.00 R70.00
Saterdag, 15 Februarie  R130.00 R70.00
Sondag, 16 Februarie Gratis Gratis

 

 

Sangers en vermaak
Op Donderdag 13 Februarie 2020 tree Appel en Adam Tas op. Daarna word daar geskoffel op heerlike boere musiek.
Van die ander kunstenaars wat by die fees sal optree, sluit in Elandre, Demi Lee Moore, Sunset Sweatshop, Juan Boucher, Spoegwolf, Mathew Mole en vele meer.

Tentedorp en kampeerterrein
Danksy die gewildheid van die tentedorp en kampeerterrein, is dit weer terug by die 2020 fees en daar is staanplekke waar Bieliemieliefeesgangers kan tuisgaan teen so min as R700 per persoon vir die hele naweek. Hierdie fooi sluit ook jou toegang tot die Bieliemieliefeesterrein in. Maar jy sal moet gou spring as jy ’n staanplek soek, want die belangstelling is groot.

Sport en kompetisies
Sportentoesiaste kan deelneem aan gholf, krieket, skiet en visvang. Daar is ook prysgeld van R7 000 vir die wenspan van die Touch Rugby/Sewes. Pak dus jou balle, stokke, kolwe en visstokke in vir hierdie kompetisies.

Vanjaar is die Bieliemielie-marathon nie net ’n kwalifiseerder vir die Comrades nie, maar ook vir die Two Oceans-marathon. Atlete wat voorheen aan die Bieliemielie-marathon deelgeneem het, weet dat of jy nou die 5 km- of 10 km-pretdraf, die halfmarathon of die marathon hardloop, dit ’n lieflike roete bied.

Vir die manne (én vroue) met 4x4-voertuie is daar weer ’n hindernisroete met prysgeld van R10 000.

En moet tog nie die Bulletjie-rugby- en netbal-kragmetings misloop nie! Hierdie items lok elke jaar groot belangstelling.

Verskeie sepie-sterre van Binnelanders en Getroud met Rugby sal julle ook vermaak.

Streepsakke, eiers, bokmis, mieliepitte, trekkerbande en wie weet wat nog alles, sal beskikbaar wees vir diegene wat aan die Boeresport(s) wil deelneem. Dit bly maar een van die gewildste items op die feesprogram!

Ander aktiwiteite sluit in skaapskeer, sklider, aartappel- en appel skil, brei en hekel, waar lekker pryse ook op die spel is.

Kindervermaak
Die VKB Bieliemieliefees is ’n gesinsfees en daarom word daar ruim voorsiening gemaak vir die kleinspan. ’n Baie betroubare oppasdiens word gebied vir kleingoed sodat hul ouers die hele feesterrein en al sy vermaak kan gaan verken. 

Uitstallers en stalletjies
Die SA Vleismerino-veiling, jongooi-kompetisie en uitstallings van beeste en boerbokke is nog van die staatmakers wat jaarliks groot belangstelling geniet, en met die groeiende belangstelling in die Bieliemieliefees onder stalletjieshouers wat van kos tot kraletjies, braairoosters tot bokvelmatte en juweliersware tot jasse verkoop, moes die komitee mooi besluit wie vanjaar ’n staanplek gaan kry.
Bogenoemde is net ’n lusmaker vir wat alles vir jou by VKB Bieliemieliefees 2020 wag. Ons het nog nie eens begin vertel van die “toegevoegde waarde” wat besoekers jaarliks hier kom ervaar nie. Ons kan nie wag om jou te verwelkom en te verras nie!

Volledige program sal later bekend gemaak word.

 

 

  • total_300_x_120.jpg
  • vkb_300_x_120.jpg
  • hpf_wyn_300_x_120.jpg
  • pioneer_300_x_120.jpg
  • afrox_300_x_120.jpg
  • vkb_brokers_300_x_120.jpg
  • besemme_300_x_120.jpg
  • capegate_300_x_120.jpg
  • stdbank_300_x_120.jpg
  • rivirwalk_300_x_120.jpg
  • hs_reitz_300_x_120.jpg
  • reitz_gebied_bestuur_300_x_120.jpg
  • dekalb_300_x_120.jpg
  • frontier_300_x_120.jpg
  • granfield_chickens_300_x_120.jpg
  • klein_kariba_300_x_120.jpg
  • sab_300_x_120.jpg
  • silver_signature_300_x_120.jpg
  • drakensville_300_x_120.jpg
  • oranje_300_x_120.jpg